Ish-presidentja e Kosovës, Vjosa Osmani, ka reaguar pas sulmit të ndodhur në Darkën e Korrespondentëve të Shtëpisë së Bardhë në Uashington, ku i pranishëm ishte presidenti amerikan Donald Trump dhe Zonja e Parë, Melania Trump.
Përmes një postimi në rrjetin social “X”, Osmani ka shprehur solidaritet dhe lutje për presidentin Trump, bashkëshorten e tij dhe popullin amerikan, duke theksuar besimin në qëndrueshmërinë e institucioneve të Shteteve të Bashkuara.
Ajo ka vlerësuar gjithashtu reagimin e shpejtë të Shërbimit Sekret amerikan, duke thënë se veprimi i tyre ka parandaluar një tragjedi më të madhe.
“Jemi mirënjohës për trimërinë e agjentëve të Shërbimit Sekret të ShBA-së që vepruan shpejt dhe heroikisht për të mbrojtur Presidentin dhe të gjithë të pranishmit. Shtetet e Bashkuara mbeten mbrojtësi më i madh i lirisë dhe demokracisë. Asnjë akt dhune nuk do ta zvogëlojë kurrë këtë”, ka shkruar Osmani.
