Presidentja e Kosovës, Vjosa Osmani, ka ndarë një fotografi krah emisarit amerikan për Ballkanin Perëndimor, Gabriel Escobar, me të cilin është takuar sot dhe pas takimit u deklaruan për media.
“Shtetet e Bashkuara të Amerikës janë përkrah Kosovës për të garantuar sigurinë tonë, kufijtë tanë, pavarësinë, sovranitetin, kushtetutshmërinë dhe sundimin e ligjit”, ka shkruar e para e shtetit në llogaritë e saj në rrjete sociale.
Escobar pritet të takohet gjatë pasdites edhe me krerët e opozitës, ndërsa me kryeministrin Albin Kurti, nesër.
Takimi i zyrtarit të Departamentit amerikan të Shtetit me krerët e opozitës do të mbahet sot në orën 19:00.