Shkencëtarët kanë identifikuar një grup qelizash nervore që i ndihmojnë pacientët me paralizë të ringrihen në këmbë dhe të ecin sërish.
Këto qeliza nervore, të quajtura Vsx2, janë të pranishme në trungun e trurit dhe palcën kurrizore dhe luajnë një rol kyç në rikuperimin e funksionit motorik pas dëmtimit të palcës kurrizore.
Si pjesë e provës klinike, shkencëtarët angazhuan nëntë pjesëmarrës me paralizë të rëndë ose të plotë të shkaktuar nga dëmtimi i palcës kurrizore.
Pacientët morën trajtim me stimulim elektrik epidural (EES), një terapi eksperimentale që i ndihmon ata të rifitojnë lëvizjen dhe kontrollin e humbur.
Trajtimi EES përfshin implantimin e një pajisjeje të vogël mbi veshjen mbrojtëse të palcës kurrizore.
Studiuesit zbuluan se të gjithë pacientët e rifituan shpejt ose përmirësonin aftësinë e tyre për të ecur gjatë trajtimit dhe treguan përmirësime në lëvizshmëri pas pesë muajsh trajtimi dhe rehabilitimi.