Vatikani është i gatshëm të bëjë çdo gjë të mundshme për të ndërmjetësuar dhe për t’i dhënë fund krizës në Ukrainë, tha Papa Françesku. Në një intervistë me gazetën e përditshme italiane La Stampa, Papa tha se ishte e rëndësishme të mos dorëzohej kur ishte fjala për pajtimin midis Moskës dhe Kievit.
“Por të gjithë duhet të angazhohen për të çmilitarizuar zemrat, duke filluar nga zemrat e tyre, dhe më pas për të çaktivizuar, çarmatosur dhunën. Ne të gjithë duhet të jemi pacifistë. Dëshira për paqe, jo vetëm një armëpushim që mund të shërbejë vetëm për riarmatim. Paqe e vërtetë, e cila është fryt i dialogut.”- tha ai.
Në fillim të kësaj jave, Papa, i cili ka folur rregullisht kundër luftës në Ukrainë, dënoi valën e fundit të sulmeve me raketa në Ukrainë dhe bëri thirrje për një armëpushim për të shmangur rrezikun e një përshkallëzimi të konfliktit.
Ai foli në audiencën e tij të përgjithshme ndërsa aleatët e NATO-s hetonin një shpërthim në një fshat polak pranë kufirit me Ukrainën.
Top Channel