Qeveria e Kosovës ka njoftuar dje për rritjen e pensioneve për 20 për qind.
Kjo rritje nuk po konsiderohet reale sipas kreut të Shoqatës së Pensionistëve, Nijazi Gashi.
Gashi tha se do të shqyrtojnë mundësinë edhe të protestave.
“Nuk po pajtohemi me këtë rritje. Nuk është e mjaftueshme. Ne kemi kërkuar që kjo rritje reale, në bazë të rritje së pagave e cila ishte bërë dhe inflacionit. Ju e dini që rritje nuk ka pasur që pesë vjet”, tha ai për Klankosova.
“Të premten do ta kemi edhe një takim me anëtarësinë dhe kryetarët e degëve, diku parashihet të jenë të pranishëm diku 100 persona dhe do të diskutojmë. Nëse ka përkrahje ne do të organizojmë edhe protesta. Aty do të jenë edhe përfaqësuesit e KDI-së”, theksoi ai.
Rritja e pensioneve u kritikua nga opozita, që u cilësua si mashtrim dhe blerje votash