Sot në Kosovë na pret mot me diell dhe i nxehtë. Temperaturat pritet të luhaten nga 12 mimimalja, kurse ato maksimalet nga 28 deri në 31 gradë Celsius. Pasdite disa vranësira mund të zhvillohen dhe vetëm në disa vise malore mund të ketë ndonjë rigë ose rrebesh të shkurtër shiu.
Në Shqipëri, Maqedoninë Veriore, Luginë të Preshevës dhe Mal të Zi e shtuna sjellë mot kryesisht me diell dhe të nxehtë. Pasdite në disa vise malore sidomos në pjesën qendrore të Shqipërisë priten rrebeshe të izoluara shiu me vetëtima dhe bubullimë. Ndonjë rrebesh i izoluar priten edhe në Malet e Malit të Zi.
Mot i ngjashëm na pret edhe të dielen dhe në fillim të javës së re. Stabiliteti atmosferik do të jetë dominant, por pasditeve kryesisht në disa vise malore do të ketë zhvillime të izoluara dhe mund të ketë ndonjë rrebesh lokal shiu me vetëtima dhe bubullimë.