Sot në Kosovë pritet të mbajë mot kryesisht i vranët dhe me riga lokale shiu. Gjatë dites në disa vise priten edhe intervale të shkurtra kohore me diell, ndërsa rigat dhe rrebeshet e shiut do të jenë të izoluara. Në viset e larta malore priten fjolla të herëpashershme bore.
Në Shqipëri sot pritet të mbajë mot kryesisht i vranët dhe me reshje lokale shiu. Reshjet nuk do të jenë të intensitetit të lartë, por vende-vende priten rrebeshe lokale me vetëtima dhe bubullimë.
Mot kryesisht i vranët sot pritet edhe në Mal të Zi, Maqedoninë Veriore dhe Luginën e Preshevës. Reshjet do të jenë më të pakta dhe më të izoluara.
Cikloni do vazhdojë të ndikojë pak më shumë seq pritej në rajonin tonë, prandaj edhe të enjtën priten riga lokale shiu, ndërsa në viset malore reshje të herëpashershme bore.
Të premtën na pret mot kryesisht i thatë, me vranësira dhe intervale kohore me diell.
Të shtunën shtim i sërishëm gradual i vranësirave. Pasdite dhe në mbrëmje pritet të ketë reshje lokale shiu e në viset kodrinore-malore reshje lokale bore. Natën e së shtunës dhe mëngjesin e së dieles reshje bore mund të ketë edhe në disa vise më ulëta në Kosovë dhe Mal të Zi.