Pas një dekade të plotë, Windows 10 ka dalë në pension. Nga e shtuna, Microsoft ndalon çdo përditësim dhe ndihmë teknike për sistemin operativ që shumë njerëz ende s’duan ta braktisin. Dhe kur them “shumë”, po flasim për rreth 41% të përdoruesve të Windows-it që ende janë te versioni i vjetër.
Nëse kompjuteri yt është në gjendje të mirë, mund të kalosh falas në Windows 11 — mjafton të plotësosh kërkesat: procesor 1 GHz ose më i shpejtë, dhe të paktën 4 GB RAM. Po nëse laptopi yt është aq i vjetër sa ndizet me lutje? Atëherë ke disa zgjedhje.
Microsoft ofron një Extended Security Updates Program (ESU) që të mban të sigurtë edhe një vit tjetër, deri më 13 tetor 2026.
Pra, nëse Windows 10 është ende “shtëpia jote”, mund të qëndrosh edhe pak — thjesht kujdesu për sigurinë. Por në fund të ditës, Microsoft po të thotë qartë:
“Koha për Windows 11 ka ardhur.”
Nëse jo, e ke gjithmonë opsionin e fundit… të kalosh në macOS.