Rastet e dhunës në familje përditë e më shumë po rriten në vendin tonë. Viktima janë kryesisht gratë të cilat shpesh hezitojnë të raportojnë në Polici dhunën që përjetojnë nga bashkëshortët e tyre dhe zgjedhin forma tjera për t’i zgjidhur problemet. Një rast i tillë ka ndodhur së fundmi në një familje në Pejë, raporton Gazeta Telenews.
Këtë herë, Sinjali mëson se në rast janë përfshirë një çift dhe vëllai i gruas, i cili është kapur me dhëndrin e tij dhe për pasojë përfunduan të dy në Polici.
Burimet brenda Prokurorisë kanë bërë me dije se burri i dyshuar fillimisht ishte kapur me bashkëshorten e tij, të cilën e ka akuzuar për intimitet me konduktorin e autobusit, sa herë që ajo udhëton.
Për dhunën psikike të ushtruar ndaj saj, gruaja e ka njoftuar vëllain, me ç’rast u përfshi në konflikt dhe shkoi te shtëpia e tyre, ku e sulmoi burrin e motrës.
Posa Policia ka marrë informacionin për rastin, palët e përfshira janë shoqëruar në stacion policor, ku kanë dhënë deklaratat e tyre në lidhje me rastin.
Ndaj burrit të dyshuarit, Prokurori i Shtetit ka urdhëruar masën e ndalimit policor dhe ka nisur hetimet për veprën penale “Dhunë në familje”, ndërsa rast është iniciuar edhe ndaj të dyshuarit tjetër.