Kryetari i Prishtinës, Përparim Rama, ka njoftuar për përurimin e “Tregut të Veturave”, një hapësirë e re e rregulluar dhe funksionale për shitjen e automjeteve në kryeqytet.
Përmes një postimi në rrjetet sociale, Rama tha se me hapjen e këtij tregu synohet t’i jepet fund shitjes së veturave në hapësira të improvizuara, duke krijuar kushte më të mira si për shitësit, ashtu edhe për blerësit.
“Me këtë treg po i japim fund shitjes së veturave në hapësira të improvizuara, po krijojmë më shumë rend e siguri dhe kushte më të mira për shitësit dhe blerësit”, ka shkruar Rama.