Pesë shoferë në rajonin e Ferizaj janë ndëshkuar nga Policia e Kosovës për shkelje të rënda të rregullave të trafikut rrugor.
Gjobat variojnë nga 200 deri në 500 euro, duke përfshirë edhe masa mbrojtëse si heqja e patentë-shoferit për tre muaj për tejkalim në vend të padukshëm dhe përdorim të telefonit gjatë drejtimit. Dy kompani transporti u ndëshkuan me nga 500 euro për lejen e qarkullimit të automjeteve me regjistrim të skaduar.
Policia bëri thirrje për respektimin e rregullave të trafikut dhe njoftoi se kontrollet do të vazhdojnë në mënyrë të intensifikuar.