Piers Morgan e ka këshilluar Arsenalin që ta transferojë Cristiano Ronaldon pas zyrtarizimit të largimit të tij nga Manchester Unitedi.
Ishte intervista bombastike me gazetarin e mirënjohur në TalkTV që e përshpejtoi largimin e superyllit portugez nga Djajtë e Kuq.
Klubi anglez gjatë të martës doli me njoftim zyrtar për përfundimin e kontratës së 37-vjeçarit, i cili tash është në kërkim të klubit të ri.
The End. https://t.co/eriQydBR6u
— Piers Morgan (@piersmorgan) November 22, 2022
Unitedi bëri një njoftim të shkurtë në Twitter duke bërë të ditur largimin e CR7, ndërsa miku i tij i reagoi akoma më shkurt: “Fundi”.
Në një postim tjetër, Morgan e ka publikuar një fotografi të Ronaldos që mban fanellën e Arsenalit me numrin 7 me përshkrimin: “Koha për fazën e dytë”.
Time for Phase 2. pic.twitter.com/DhjHMF9wPR
— Piers Morgan (@piersmorgan) November 22, 2022
Skuadra e Mikel Artetas është lidere në Ligën Premier pas një fillimi mbresëlënës të sezonit, ndërsa moderatori i njohur i ka sugjeruar angazhimin e pesë herë fituesit të Topit të Artë.
Është raportuar se Chelsea, Sportingu i Lisbonës dhe klubet nga MLS përmenden si destinacionet më të mundshme të Ronaldos.