Mbrëmë në orën 23:45, janë plagosur dy persona në rrugën “12 qershori” në Ferizaj.
Të plagosurit janë dërguar në emergjencën e Ferizajt dhe mjeku kujdestar ka thënë se të njëjtit janë jashtë rrezikut për jetë.
Lajmin për Dukagjinin e ka konfirmuar zëvendësdrejtori i Policisë së Kosovës për rajonin e Ferizajt, Qazim Reka.
Reka ka thënë se një i dyshuar lidhur me rastin është arrestuar, derisa edhe një tjetër është në kërkim.
“Ju njoftojmë se në ora 23:45 ka ndodhur një plagosje e dy personave në rrugën “12 qershori” afër kafiterisë “Tempell Bar”. Janë marrë të gjitha veprimet policore. Personat e plagosur janë derguar në emergjencën e Ferizajit, sipas mjekut kujdestar janë jashtë rrezikut për jetë. Ata janë të plagosur në këmbë. Një i dyshuar është arrestuar, jemi në kërkim edhe të një dyshuari tjetër”, ka thënë Reka.