Njësitë policore në Prizren kanë ndërhyrë mbrëmjen e djeshme pas marrjes së një informacioni se disa persona të dyshuar janë duke shitur dhe shpërndarë substanca narkotike në rrugën “Ismet Jashari-Kumanova”.
Gjatë daljes në vendin e ngjarjes, policia ka hasur dy persona të mitur, një femër dhe një mashkull (të dy kosovarë), ndërsa një person i tretë i dyshuar është larguar nga vendi në drejtim të panjohur, transmeton Telenews.al.
Pas kontrollit në vendin e ngjarjes, janë gjetur dhe sekuestruar si prova materiale:
-
0.68 gram substancë narkotike e dyshuar e llojit marihuanë
-
7.27 gram substancë narkotike e dyshuar (po ashtu marihuanë), e vendosur në një qese najloni
-
Një mulli për bluarjen e substancës narkotike
-
Dy kartëmonedha: njëra me vlerë 5 euro dhe tjetra 20 euro
Sipas Policisë, me vendim të prokurorit të çështjes, personat e mitur janë intervistuar në cilësinë e dëshmitarëve, ndërsa rasti është iniciuar dhe do të vazhdojë të hetohet në bashkëpunim me Prokurorinë Themelore në Prizren.