Policia është deklaruar për vdekjen e dyshimtë në lagjen Ulpianë.
Zëdhënësja e policisë për rajonin e Prishtinës, Flora Ahmeti tha se vdekja e viktimës u konstatua nga ekipi i mjekëve kujdestarë në vendin e ngjarjes.
“Rreth orës 06:00 është marrë informata për një person (mashkull) pa shenja jete, në lagjen Ulpiana në Prishtinë . Vdekja e tij është konstatuar nga ekipi i mjekëve emergjent në vendin e ngjarjes”, tha Ahmeti.
Policia në koordinim me prokurorinë kanë nisur hetimin e rrethanave që karakterizojnë rastin.
Viktima është i moshës rreth 35-vjeçare.