Telenews

Politikani katalunas: Spanja hipokrite, njeh Palestinën por jo edhe Kosovën

 

 

Ish-presidenti i rajonit spanjoll të Katalonisë, Carles Puigdemont ka kritikuar këtë të premte vendimin e qeverisë spanjolle për të njohur shtetin palestinez.

Ai ka vënë në pikëpyetje vendimin e qeverisë së udhëhequr nga kryeministri Pedro Sanchez, duke kujtuar se Spanja nuk e ka njohur Kosovën dhe në këtë formë shteti spanjoll po ndjek “standarde të dyfishta”.

Në një video të publikuar në platformën X, Puigdemont thekson se qeveria spanjolle njofton “në mes të një konflikti të armatosur që po trondit botën” dhe “mund të duket se shteti spanjoll është bërë tani një mbrojtës i së drejtës së vetëvendosjes së popujve si mekanizëm për zgjidhjen e konflikteve”.

Një qëndrim që “shumica e katalanasve e kanë mbrojtur gjithmonë”, thotë lideri pro-pavarësisë së Katalonisë. Por, nuk është kështu, shton 61-vjeçari, duke kujtuar se shteti spanjoll “është një nga vendet e pakta evropiane” që ende nuk e njeh pavarësinë e Kosovës.

“Nuk ia njeh të drejtën evropianëve të Kosovës që të vendosin lirisht për të ardhmen e tyre, pavarësisht se Bashkimi Evropian tashmë ka marrëdhënie diplomatike me ta”, thotë ai.

Puigdemont deklaron se “populli palestinez ka të drejtën e vetëvendosjes si populli i Katalonisë”.

Ndryshe, Puigdemont jeton në Belgjikë pasi kërkohet nga drejtësia spanjolle për organizimin e referendumit për pavarësi të Katalonisë në vitin 2017.

Të ngajshme

Kurti uron kryeministrin Mickoski për pozitën e re: Mezi pres t’i forcojmë marrëdhëniet bilaterale me Maqedoninë e Veriut

Donat Hashani

Deklarata brilante e Daliqit për futbollistin e tij: “Këtij lojtari i kërkoj falje, e meriton”

Donat Hashani

Lajçak për Draftin e Asociacionit: Nuk do të propozoja kurrë diçka që nuk do ta propozoja për vendin tim

Donat Hashani