Telenews

Pos veriut edhe serbët e Novobërdës refuzojnë të regjistrohen

Ivica Zhiviq, tash e disa ditë ka përfunduar procesin e regjistrimit.

Ani se ka lindur në Novobërdë, kjo është hera e parë që ai ka pranuar të regjistrohet në Kosovë.

“Po jam regjistruar, ka qenë një proces i lehtë. Kam pas pak problem në fillim por kam pranuar të regjistrohem. Unë jam lindur e jam rrit këtu. Është hera e parë që jam regjistruar në Kosovë”, ka deklaruar Zhiviq, banor i Novobërdës.

Por, Zhiviq është në mesin e krejt pak serbëve që kanë pranuar të bëhen pjesë e regjistrimit.

Nënkryetari i Novobdërdës, Bajrush Ymeri tregon se hiç më e mirë se në veri nuk është gjendja as në këtë komunë sa i përket regjistrimit të komunitetit serb.

“Tek komuniteti serb jemi keq, pasi sipas informative që I kemi si komision komunal nuk është I kënaqshëm dhe shifrat janë të vogla. Po shpresojmë që gjatë këtyre ditëve,  dikush nga udhëheqësit politik të tyre t’ju bëjë thirrje që të regjistrohen pasi do të kemi probleme pastaj”, ka deklaruar Ymeri.

Nga ekipet e terrenit, zyrtarët komunalë kanë mësuar se arsyeja e mos regjistrimit ka të bëjë me presionin që iu bëhet dhe frikës që të jenë të parët në këtë proces.

Ndërkaq, banorët tjerë shqiptarë që janë regjistruar thonë të mos kenë pasur problem gjatë procesit.

“Kanë qenë shumë korrekt mrena 20 minutash është kry proces, kanë qenë diku rreth 30 pyetje,  gjithçka ka shku në rregull. Regjistrimi i popullatës duhet të bëhet”, ka deklaruar Sherif Kllokoqi, banor në Llabjan.

Në regjistrimin e vitit 2011, Komuna e Novobërdës kishte 6729 banorë, nga ta 3400 shqiptarë, 3259 serbë dhe 70 të minoriteteve tjera.

Sipas komisionit komunal, deri të hënën janë regjistruar 2601 banorë të kësaj komune, derisa afati përfundon me 17 maj.

source

Të ngajshme

“Jemi një hap larg zgjedhjeve” – Abdixhiku kërkon dorëheqjen e Kurtit

SHBA këmbëngulëse në Asociacion, nënsekretarja shpreh shqetësime për disa vendime të qeverisë

Zyrtare: Arsim Kabashi dënohet për sulmin ndaj trajnerit të Fushë Kosovës

Donat Hashani