Këngëtarja e re Ana Dermaku ka publikuar projektin e saj më të ri muzikor, të titulluar “Drenica ime”, një këngë që shoqërohet edhe me videoklipin e saj të parë në karrierë.
Ky projekt është pritur me shumë interes, duke pasur parasysh se ai është realizuar në Prekazin Historik, një vend me simbolikë të thellë kombëtare.
Kënga “Drenica ime” vjen si një dedikim për këtë trevë me histori të lavdishme, duke shprehur përmes tekstit dhe interpretimit ndjenjat e krenarisë, dashurisë dhe respektit për atdheun.
Pamjet e videoklipit, të cilat përfshijnë skena nga Prekazi, e pasurojnë edhe më shumë mesazhin e këngës, duke e bërë atë një himn për Drenicën dhe vlerat që ajo përfaqëson.
Ky është një hap i rëndësishëm në rrugëtimin artistik të Ana Dermakut, e cila përmes këtij projekti tregon jo vetëm talentin e saj në muzikë, por edhe lidhjen e thellë me trashëgiminë dhe historinë shqiptare.
Me këtë publikim, ajo synon të sjellë një këngë që prek zemrat e publikut dhe të mbetet gjatë në kujtesën e dëgjuesve.
Ndëgjojeni dhe shiheni këngën me videoklip në linkun e mëposhtëm: