Telenews

PRESIDENTJA OSMANI DEKORON ”POST MORTUM” PESË USHTARË TË BRIGADËS SË UÇK-SË 138 “AGIM RAMADANI”

Sipas propozimit të përfaqësuesve të Brigadës, Presidentja Osmani, për trimërinë e dëshmuar gjatë Betejës së Koshares dhe kontributin pas luftës, ka dekoruar ushtarakët: Adem Dahri, Afrim Beka, Arben Sejdiu, Faik Gashi dhe Skënder Rexhëahmetaj.
“Ndihem e nderuar që në këtë përvjetor të lavdishëm si presidente dekoroj me medalje pesë luftëtarë të shquar të Brigadës “Agim Ramadani”. Kontributi dhe sakrifica e tyre do të jenë udhërrëfyes për brezat dhe  tregues i vlerës së lirisë që e gëzojmë”, është shprehur Presidentja Osmani.
Dekoratat iu ndanë familjarëve të luftëtarëve në praninë e komandantëve të Brigadës 138. Ata kanë falënderuar Presidenten Osmani dhe kanë thënë se kjo dekoratë ka vlerë të veçantë në këtë përvjetor të Betejës së Koshares.
Manifestimi kushtuar përvjetorit të 23-të të Betejës së Koshares, pritet të mbahet të shtunën (9 prill) nën patronazhin e Presidentes Osmani.

Të ngajshme

Hyseni: Fondi Sovran do të jetë reforma më e madhe e ekonomike në Kosovë

Flaka Ajeti

“Është kapur duke marrë lekë”, si e paralajmëroi Rama arrestimin e Sekretares së Ministrisë së Shëndetësisë

Flaka Ajeti

Qalaj i thotë Bajqinovcit: Po rren, frikohesh se të rrahin

Flaka Ajeti