Telenews

PRESIDENTJA OSMANI URON PËR RAMAZAN: LE TË KALOJË KY MUAJ NË HARMONI, PAQE E MIRËKUPTIM

Presidentja e vendit, Vjosa Osmani, i ka uruar të gjithë besimtarët myslimanë me rastin e fillimit të muajit të shenjtë të Ramazanit.
Osmani përmes një postimi në Facebook, ka bërë thirrje që ky muaj të kalojë në “harmoni, paqe e mirëkuptim”.
“Me rastin e fillimit të muajit të Ramazanit, dua t’i uroj të gjithë besimtarët e fesë islame për këtë muaj të sakrificës dhe solidaritetit. Ky muaj, sikurse edhe çdo ditë, është mundësi e mirë për të menduar për të gjithë, për të ndarë diçka nga vetja për të tjerët dhe për ta shpërfaqur shpirtin solidar, siç di dhe e ruan këtë traditë populli ynë ndër shekuj”.
“Ne kemi nevojë për shpresë, kurajo dhe mbështetje të njëri tjetri, ndaj ky muaj është adekuat për një përpjekje të përbashkët dhe dëshmi se duke bashkëndjerë me nevojtarët e bëjmë shoqërinë më humane e shtetin më të konsoliduar”, ka shkruar Osmani.

Të ngajshme

Kurti: Serbia ende i sheh si shtete të përkohshme Kosovën, Malin e Zi e Bosnjën

Donat Hashani

Termokosi fillon zgjerimin e rrjetit të ngrohjes në afërsi të Parkut të Qytetit

Miftar Zejnullahu

Një person nga Shqipëria futet në telashe me policinë e Kosovës

Miftar Zejnullahu