Bëhet e ditur se është prishur një miqësi e mirë e showbizit shqiptar.
Fjala është për atë të reperit Noizy dhe modeles e aktores shqiptare, Megi Pojani, për të cilin deklaroi disa herë se e ka ‘artist të preferuar’.
Dyshja, të cilët janë njohur si shokë të mirë, sipas Prive kanë prishur raportet me njëri-tjetrin.
Pojani ishte prej shumë vitesh imazh i brendit të këngëtarit të njohur, ndërkohë që kanë ndërprerë marrëdhënien prej shumë kohësh.
Me një vëzhgim të vogël, të njëjtit shihet se nuk ndiqen më as në rrjetet e tyre sociale.
Megi madje ka qenë pjesë e klipit të këngës së re “Katile” të Don Xhonit, ndërkohë që ky i fundit tashmë njihet si rival i Noizyt.
Sidoqoftë, protagonistët nuk kanë komentuar e nuk kanë folur asnjëherë për këtë pjesë.