Në Prishtinë është paralajmëruar një protestë paqësore në përkrahje të studentëve shqiptarë në Maqedoninë e Veriut, e cila do të mbahet nesër para Ambasadës së Maqedonisë së Veriut.
Organizatorët e protestës, Këshilli Studentor i Fakultetit të Filologjisë, kanë bërë të ditur se tubimi synon të shprehë kundërshtimin ndaj, siç e quajnë ata, kufizimeve në përdorimin e gjuhës shqipe në provimet shtetërore në Maqedoninë e Veriut.
Sipas njoftimit, protesta do të zhvillohet në mënyrë paqësore dhe pritet të fillojë në orën 14:00, me pjesëmarrjen e studentëve dhe qytetarëve të tjerë që mbështesin këtë kauzë.
Organizatorët theksojnë se qëllimi i protestës është mbrojtja e të drejtave gjuhësore dhe barazia e studentëve shqiptarë në proceset arsimore dhe institucionale në Maqedoninë e Veriut.