Asociacioni i Gazetarëve të Kosovës, ka bërë të ditur se gazetarja e Klan Kosova, Qendresa Sinani, ka pësuar lëndime trupore, pasi protestuesit sulmuan me gurë gazetarët në Leposaviq.
Në njoftimin e AGK-së, thuhet se Sinani ka pësuar lëndime në këmbën e djathtë.
“Qendresa Sinani – gazetare në Klan Kosova, është sulmuar gjatë ditës së sotme derisa po raportonte nga Komuna e Leposaviqit”, thuhet në njoftim.
“Sinani ka qenë në turmën e medieve që është gjuajtur me gurë nga protestuesit e maskuar, dhe ka pësuar lëndime në këmbën e djathtë”.
Asociacioni i Gazetarëve të Kosovës është shprehur tejet i shqetësuar me sulmet fizike kundër gazetarëve që kanë ndodhur sot në Komunën e Leposaviqit, andaj bën thirrje të gjithë kolegëve që të kenë kujdes të shtuar gjatë raportimit, dhe të mos rrezikojnë sigurinë e tyre fizike.