Pak ditë pasi mori një propozim romantik për martesë nga partneri i saj shumëvjeçar, Granit Muhaxheri, këngëtarja e njohur shqiptare, Melinda Ademi, ka ndarë me publikun pamje nga ceremonia e fejesës.
Në fotografitë e publikuara shihet qartë atmosfera festive dhe emocionet e çiftit. Melinda kishte zgjedhur një fustan rozë të çelët, me shkëlqim dhe detaje elegante, që i theksonin hijeshinë dhe stilin e saj të veçantë.
Ajo dukej rrezatuese në krah të Granitit, i cili ishte veshur me një kostum klasik në ngjyrë të zezë, duke i dhënë ngjarjes një hijeshi të veçantë.
Foto: Melinda Ademi/InstaStory
Ceremonia u shënua nga momente intime e të ndjera, ku të pranishmit festuan dashurinë dhe hapat e rinj të çiftit drejt martesës.
Pamjet që po qarkullojnë në rrjetet sociale kanë tërhequr vëmendjen e fansave, të cilët kanë shpërndarë urime të shumta për Melindën dhe Granitin.
Ky moment i rëndësishëm në jetën private të artistes vjen në një periudhë kur ajo po shijon suksesin e projekteve muzikore, ndërsa tani duket se është gati të ndërtojë edhe një kapitull të ri në jetën familjare.
