Përmes një komunikate për media kjo sindikatë ka thënë se në rast se merret një vendim i tillë do të ketë greva dhe protesta.
“Edhe ne jemi gati për një REAGIM TË FUQISHËM SINDIKAL nëse vlera e koeficientit është nën 120 euro. Ne jemi në pritje të sinjalit nga Federata për protesta dhe greva”.
Të njëjtit, kanë deklaruar se kanë zhvilluar takim me ministrin e Shëndetësisë, Arben Vitia por nga i cili nuk janë informuar lidhur me vlerën e koeficientit.
“Do të ketë reagim të fuqishëm nëse është nën 120 euro vlera e koeficientit. E kemi pasur një takim me Arben Vitinë, por ai ka thënë se nuk e dinë akoma as ai koeficientin. Jemi në mjegull. Nuk e dimë çka do të ndodh”, është thënë nga Sindikata.
Me Ligjin e ri për pagat, niveli i koeficienteve sillet nga 2 deri në 18 më i larti i takon vetëm presidentes së shtetit.
Më i ulëti, u takon pozitave si: rekrut/kadet i Forcës së Sigurisë së Kosovës, kadet policor, kadet doganor dhe kadet korrektues.
Paga e një punëtori do të llogaritet duke e shumëzuar nivelin e koeficientit të pagës së një pozite me vlerën monetare të koeficientit.
Ligji për paga zbatohet për punonjësit e sektorit publik, pagat e të cilëve financohen nga buxheti i shtetit, me përjashtim të punëtorëve të Agjencisë Kosovare për Inteligjencë (AKI).
Numri i punonjësve që marrin paga nga buxheti i Kosovës është rreth 83 mijë.