Kryeministri i Shqipërisë Edi Rama në një konferencë shtypi ditën e sotme nga Kryeministria, ka deklaruar se për aq kohë sa 3 efektivët e Kosovës nuk lirohen është i pamundur përparimi në dialog apo de-përshkallëzimi i situatës.
Ai bëri me dije se i ka dërguar presidentit francez, Emmanuel Macron dhe kancelarit gjerman Olaf Scholz, një letër të dytë për tensionet në Kosovë.
“Dua t’iu informoj se pardje i kam nisur një letër të dytë, pas asaj të draft-statutit presidentit Macron dhe kancelarit Scholz, për dijeni edhe presidentit të Këshillit Europian Charles Michel lidhur me domosdoshmërinë e një shtyse të re, konkrete, të Francës dhe Gjermanisë si kumbarët e planit franko-gjerman, natyrisht me mbështetjen e Shteteve të Bashkuara në mënyrë që plani franko-gjerman të zbatohet me doemos,” u shpreh Rama.