Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se nga 1 mijë e 126 testime, 33 qytetarë kanë rezultuar pozitivë me Covid-19.
Ndërsa në 24 orët e fundit janë dhënë 313 doza të vaksinës kundër Covid-19. E prej fillimit të vaksinimit në të gjitha qytetet e Kosovës janë dhënë 1.818.721 doza të vaksinës.
Në 24 orët e fundit janë shëruar 23 qytetarë, derisa numri i përgjithshëm i të shëruarve është 223.230.
Në total numri i rasteve aktive në Kosovë është 644.