Presidentja e Kosovës, Vjosa Osmani dhe kryeministri Albin Kurti sot kanë pasur një diskutim në Kuvendin e Kosovës.
Nga ajo që ka kapur kamera, Osmani dhe Kurti shihen të jenë më të tensionuar se zakonisht. Ndërsa edhe gjuha e tyre trupore duket se e konfirmon një gjë të tillë.
E pyetur për këtë pas përfundimit të takimit, Osmani tha se diskutimi ka qenë për zgjedhjet e përgjithshme.
“Për ligjin për zgjedhjet e përgjithshme dhe çështjen e përqindjes së grave në lista. Kështu që është përpjekje e vazhdueshme”, tha Osmani.