Telenews

Rashica flet pas momentit historik me Galatasarayn

Galatasarayt ka shënuar fitore të thellë 4:1 ndaj Ankaragucu në javën e 36-të të Superligës së Turqisë.

Me këtë fitore, ekipi i Galatasarayt arriti të shpallet kampion i Superligës së Turqisë për sezonin 2022/23.

Pas ndeshjes për mediat në Turqi foli futbollisti kosovar, duke treguar ndjenjat e tij pas shpalljes kampion në Superligë.

“Kemi përfunduar një sezon shumë të mirë. Duke parë të gjithë sezonin, kemi pasur ndeshje shumë të vështira. Kryesisht kemi fituar, por ka pasur edhe humbje. Është ndjenjë shumë, shumë e mirë të fitosh kampionatin”, u shpreh Rashica

Në këtë fitore, futbollisti i Kombëtares së Kosovës, Milot Rashica bëri një asist te goli i parë i shënuar nga Mauro Icardi.

Galatasaray tani shkon në kuotën e 82 pikëve, ku ka mbetur edhe një xhiro për të luajtur. Madje titullin e feston pikërisht kundër vendit të dytë, Fenerbahce – pasi në shtëpi luajnë ndaj rivalit të tyre në javën e fundit.

Milot Rashica, si futbollisti i parë kosovar që fiton një kompeticion të tillë zhvilloi 25 ndeshje me Galatasarayn në Superligë, shënoi katër gola dhe bëri gjashtë asiste.

Kujtojmë që për Milot Rashicën ky është titulli i dytë në kampionat në karrierë. Më parë ai kishte fituar Superligën e Kosovës me Vushtrrinë.

Të ngajshme

Gara për Topin e Artë, Rodri sposton yjet e Real Madrid-it

Erzana Fazliu

Mbappe sot prezantohet në “Santiago Bernabeu”

Erzana Fazliu

Ekipit olimpik i dorëzohet flamuri i Kosovës, Nora premton përfaqësim dinjitoz

KushtrimGuraj