Edhe dy drejtorë janë shkarkuar në Spitalin e Përgjithshëm në Pejë, lidhur me rastin e foshnjes së vdekur.
Spitali i Pejës, sot ka informuar se janë shkarkuar drejtori mjekësor dhe drejtori për infermieri
“Në kuadër të masave lidhur me rastin e trajtimit të frytit të vdekur në Spitalin e Përgjithshëm në Pejë. Drejtori Ekzekutiv ka shkarkuar Drejtorin Mjekësor dhe Drejtorin për Infermieri. Shkarkimi është bërë si përgjegjësi direkte menaxheriale lidhur me rastin e frytit të vdekur.”, është bërë e ditur në njoftim.
Gjatë javës së kaluar në Spitalin e Përgjithshëm të Pejës, një foshnje e lindur pa shenja jete dyshohet se është futur në rrobalarëse, e mbështjellur me çarçafë nga personeli mjekësor.
Ministria e Shëndetësisë, të enjten ka informuar se pas rastit të ndodhur në Spitalin e Përgjithshëm të Pejës, ka liruar nga detyra u. d. i kryeinspektorit të Inspektoratit Shëndetësor, Shaban Osmanaj. Ndërsa, dje Nora Kursani-Demjaha ka konfirmuar për KosovaPress është emëruar në këtë pozitë pas lirimit nga detyra të Shaban Osmanajt.