Real Madridi zbret sonte në fushë, teksa përballë do ta ketë Elchen në kuadër të javës së gjashtë të La Ligës.
Ndeshja do të zhvillohet në stadiumin “Martínez Valero”, me fillim nga ora 21:30.
Skuadra e drejtuar nga José Mourinho synon të marrë tri pikët për të qëndruar në garën për kreun e tabelës, ndërsa Barcelona aktualisht ka një epërsi prej tri pikësh.
Në anën tjetër, Elche ende nuk e ka shijuar fitoren në këtë sezon dhe do të kërkojë surprizën përballë gjigantit madrilen.