Real Madridi ka arritur finalen e radhës në kuadër të Champions League, pasi shënoi fitore në super ndeshjen e zhvilluar në Santiago Bernabeu.
“Mbretërit” shënuan fitore me përmbysje ndaj Bayern Munich, duke arritur fitoren në minutat e kohës shtesë.
Sulmuesi 34-vjeçar, Joselu, ishte heroi i madrilenëve. Ai shënoi dy gola pas inkuadrimit të tij në 20 minutat e fundit të ndeshjes.
Fillimisht ai shënoi për 1:1 në minutën e 88-të, ndërkaq arriti të shënoj golin e fitores në minutën e 92-të.
Për Bayernin golin e nderit e shënoi Alphonso Davies.
Në finalen e madhe skuadra e Real Madridit do të përballet me Borussian e Dortmundit.