Rina Maloku ka ndarë një moment të prekshëm me ndjekësit e saj në rrjetet sociale, duke postuar një video dedikuar partnerit të saj të ndjerë, dizajnerit të njohur Festim Isufi.
Ajo e ka kujtuar Isufin në ditëlindjen e tij me fjalë të ngrohta dhe imazhe të përzgjedhura nga kujtimet e tyre të paharruara.
Festim Isufi ishte një nga emrat më të njohur të industrisë së modës në Kosovë, i cili ka lënë një ndikim të madh në fushën e dizajnit. Humbja e tij e papritur ka lënë një boshllëk të thellë në jetën e familjarëve, miqve dhe bashkëpunëtorëve të tij. Megjithatë, kujtimi i tij vazhdon të jetojë përmes artit dhe atyre që e donin.
