Telenews

Rizvanolli: Kemi pranuar 2781 aplikime për subvencionim të pajisjeve

Ministrja e Ekonomisë, Artane Rizvanolli ka deklaruar se ende pa u bërë një muaj janë pranuar 2781 aplikime për subvencionim të pajisjeve.

Rizvanolli tha se aplikimet vazhdojnë të jenë të hapura. Kurse për më shumë informata për subvencionim qytetarët të vizitojnë këtë link.

“Ende pa u bërë një muaj kemi pranuar 2781 aplikime për subvencionim të pajisjeve. Aplikimet vazhdojnë të jenë të hapura”, ka shkruar ajo.

Ndryshe, Ministria e Ekonomisë ka shpallur thirrjet për mbështetjen e konsumatorëve familjarë në investimin në pajisje shtëpiake efiçiente dhe për mbështetjen e konsumatorëve familjarë në investimin në sisteme të energjisë së ripërtrishme – sistemi diellor për ngrohjen e ujit sanitar.

Në thirrjen për mbështetjen e konsumatorëve familjarë në investimin në pajisje shtëpiake efiçiente përfshihet subvencionimi i makinave rrobalarëse, makinave enëlarëse dhe  frigoriferëve ose frigoriferëve me ngrirëse.

Njëherit edhe kryeministri i vendit, Albin Kurti u ka bërë thirrje qytetarëve të aplikojnë për të përfituar nga subvencionimi për pajisje efiçiente shtëpiake dhe për sisteme diellore për ngrohje të ujit sanitar.

Kurti ndër të tjerash ka thënë se këtë vit synojnë të rrisin efiçiencën e energjisë edhe për shumë familje të tjera, ashtu sikurse vitin e kaluar.

Të ngajshme

Shtrenjtohet Jugu i Shqipërisë, akomodimi fillon nga 60 euro deri në…

Donat Hashani

PDK: Qeveria ia humbi Kosovës 21 milionë euro, të barabarta me 42 mijë paga mesatare

Erzana Fazliu

Qeveria ndan mbi 21 milionë euro pas humbjes së arbitrazhit me “Contour Globalin”

Erzana Fazliu