Gazetari dhe personazhi i njohur i ekranit, Ronaldo Sharka, ka ndarë së fundmi me ndjekësit e tij në rrjetet sociale një mendim personal që ka tërhequr shumë vëmendje.
I njohur për stilin e tij të drejtpërdrejtë dhe shpesh pa filtra, Sharka nuk nguron të japë përgjigje të hapura për pyetje të guximshme nga fansat.
Gjatë një sesioni “pyetje-përgjigje”, një ndjekës e pyeti gazetarin se cila është femra më seksi në showbiz. Përgjigja e Sharkës ishte e menjëhershme dhe e qartë: “Gixhari :)”, duke iu referuar aktores së njohur Olta Gixhari.
Ronaldo Sharka/InstaStory
Për të theksuar deklaratën e tij, Sharka e shoqëroi përgjigjen me një fotografi të Oltës, ku ajo duket në formë të shkëlqyer dhe me një stil tërheqës.
Fotografia tregonte elegancë, duke reflektuar arsyet pse ajo është një nga figurat më të admirueshme të ekranit shqiptar.
Zgjedhja e Sharkës nuk është befasuese për ata që e ndjekin karrierën e Gixharit. Ajo është e njohur për sharmin, prezencën e fuqishme në ekran dhe linjat elegante që e bëjnë të dallojë në çdo paraqitje publike.
Olta Gixhari ka qenë gjithmonë një nga figurat më të komentuara në mediat rozë. Përveç rolit të saj si aktore, paraqitjet publike dhe eventet ku merr pjesë tërheqin gjithmonë vëmendjen e publikut dhe mediave.
Ndërsa Olta vazhdon të ndërtojë karrierën e saj me role të suksesshme në film dhe televizion, imazhi i saj i rafinuar dhe prezenca e fuqishme në publik e bëjnë gjithmonë një zgjedhje të natyrshme për t’u vlerësuar nga fansat dhe kolegët e industrisë.