Të paktën 12 persona humbën jetën në një rrëshqitje dheu që varrosi një autobus në veriperëndim të Kolumbisë, në provincën Risaralda, njoftuan sot autoritetet kolumbiane.
“Fatkeqësisht, 12 persona u vranë, pesë u shpëtuan dhe shpëtimtarët në listë po punojnë për të nxjerrë trupat e tjerë nga autobusi”, tha sot Victor Manuel Tamayo, guvernatori i Risaralda.
Zyrtarët thonë se në autobus ishin 25 pasagjerë.
Kolumbia është goditur nga një sezon i dendur shirash, nën ndikimin e fenomenit të motit La Nina.
Deri më tani kanë humbur jetën më shumë se 216 persona, 48 janë ende të zhdukur, ndërsa 538.000 persona kanë mbetur pa shtëpi për shkak të aksidenteve të shkaktuara nga reshjet.