Deputeti i VV-së, Adnan Rrustemi, ka bërë me dije se Qeveria e Kosovës vazhdimisht është koordinuar me presidenten Vjosa Osmani.
Ai ka deklaruar se çdo veprim që është ndërmarr në veri është bërë bashkë me shefen e shtetit.
“Gjithçka që kemi bërë gjatë këtyre tre vite e gjysme për ta forcuar shtetin e Kosovës dhe për ta shtrirë sovranitetin e Kosovës në veri të Kosovës, për të garantuar respektim të kushtetutës në tërë territorin e Kosovës, për të eliminuar çfarëdo eliminimi të Serbisë përmes strukturave paralele, përmes kontrabandës, kërcënimeve të drejtpërdrejta që i janë bërë shtetit të Kosovës e kemi bërë bashkë me presidenten”, ka thënë Rrustemaj, i cili është kryetar i Komisiomit për Legjislacion.
Ai e ka çmuar kontributin e shefes se shtetit.
“Dhe unë e çmoj kontributin e saj të jashtëzakonshëm në këtë betejë të rëndësishme për të konsoliduar shtetin e Kosovës. Për të garantuar sovranitet në gjithë territorin e vendit dhe për ta mbajtur Serbinë larg territorit të Kosovës”, është shprehur Rrustemi për RTV21.