Kriza për fuqi punëtore ka tërhequr mijëra banorë të Koresë së Veriut të cilët po gjejnë mundësitë për të shkuar në këtë shtet.
Përmes vizave studentore, shumica e punëtorëve janë angazhuar në sektorin e ndërtimit gjatë vitit që lamë pas.
Në vitin 2024, pati një rritje me 12 herë të koreano veriorëve që hynë në Rusi, e kalkuluar rreth 13,221 koreanë.
Kjo shifër është një pasqyrë e rëndësishme e përpjekjeve të Rusisë për të zbutur krizën e fuqisë punëtore, pas shpërthimit të luftës në Ukrainë dhe ndikimeve të saj në sektorët ekonomikë të Rusisë, përfshirë ndihmën në industrinë e ndërtimit dhe mbrojtjes.
Sipas Institutit për Studimin e Luftës, Rusia ka pësuar një mungesë të madhe punëtorësh që arrin deri në 1.5 milionë, pas nisjes së pushtimit të Ukrainës.
Megjithatë, ekspertët vlerësojnë se punëtorët nga Koreja e Veriut nuk do të kenë një ndikim të konsiderueshëm në zbutjen e kësaj mungese. Ky veprim i Rusisë për të sjellë punëtorë nga Koreja e Veriut shkel Rezolutën 2397 të Këshillit të Sigurimit të OKB-së, e cila ndalon dërgimin e qytetarëve të Koresë së Veriut jashtë për punë. Rusia mund të përdorë vizat studentore për të fshehur këtë shkelje, duke pretenduar se është mundësi studimi për koreano-veriorët, ndërkohë që ata punojnë. Po ashtu, ushtarët koreano-veriorë po ndihmojnë në linjat e frontit në Ukrainë, veçanërisht në rajonin e Kurskut.