Kandidati për deputet nga Partia Demokratike e Kosovës, Selver Xhelili, ka vizituar Llabjanin e Artanës (Novobërdës) gjatë ditëve të fundit të fushatës zgjedhore. Ai është pritur me mbështetje të madhe nga banorët e kësaj zone, të cilët kanë shprehur përkrahjen e tyre për kandidatin për kryeministër Bedri Hamza dhe listën e PDK-së.
Gjatë takimeve me qytetarët, Xhelili ka premtuar angazhim të fuqishëm për zhvillimin e vendit dhe për një qeverisje më të përgjegjshme. Ai është shprehur i vendosur të punojë për ndryshime pozitive, duke theksuar rëndësinë e investimeve dhe përmirësimit të kushteve për të gjithë qytetarët, përfshirë edhe banorët e Llabjanit dhe Novobërdës.
Në zgjedhjet e së dielës, ai kërkon përkrahjen e qytetarëve për të vazhduar përpjekjet për një Kosovë më të zhvilluar dhe me mundësi më të mira për të gjithë. Selver Xhelili garon me numrin 83 në listën e PDK-së.