SHBA kërkon nga Vietnami të reduktojë përdorimin e teknologjisë kineze në pajisjet që përpunohet aty para eksportimit në Amerikë.
Vietnami është një qendër e rëndësishme prodhimi për firma si Apple, Samsung, Meta dhe Google, të cilat përdorin pjesë nga Kina.
Dhe administrata e Donald Trump ka kërcënuar me tarifa deri në 46% për mallrat e eksportuara nga Vietnami nëse nuk bëhen ndryshime.
Vietnamezët po organizojnë takime me bizneset lokale për të rritur prodhimin e pjesëve teknologjike vendase, por kanë nevojë për kohë dhe teknologji.
Qëllimi është që të zvogëlohet varësia e SHBA ndaj teknologjisë kineze dhe të forcohet kapaciteti industrial i Vietnamit.
Data e fundit për marrëveshje është 8 korriku, por ende nuk është e qartë nëse do të arrihet një kompromis.
Vitin e kaluar, Kina eksportoi në Vietnam rreth 44 miliardë dollarë mallra teknologjike, të tilla si komponentë elektronikë, kompjuterë dhe telefona, rreth 30% të totalit të eksporteve të saj në vend.
E Vietnami dërgoi në Shtetet e Bashkuara mallra teknologjike me vlerë 33 miliardë dollarë ose 28% të eksporteve me destinacion SHBA-në.