Pas një performance energjike që ndezi skenën e Eurovision 2025 në Bazel të Zvicrës, grupi Shkodra Elektronike është shprehur për herë të parë për suksesin e tyre.
Përmes një postimi në rrjetet sociale, ata falënderuan publikun për dashurinë dhe mbështetjen, duke theksuar se qëllimi i tyre kryesor ishte të fitonin zemrën e publikut — një mision që, sipas tyre, u realizua me sukses.
“Donim të fitonim zemrat tuaja. Duket se ia dolëm. Apo jo? Faleminderit,” u shpreh grupi.
Me këngën “Zjerm”, Shkodra Elektronike arriti të renditej në vendin e tetë, duke grumbulluar 218 pikë. Projekti u veçua për stilin modern të ndërthurur me elemente tradicionale shqiptare, duke sjellë një identitet të fortë muzikor në skenën ndërkombëtare.
Fitues i edicionit të këtij viti u shpall Austria, ndërsa vendi i dytë dhe i tretë u zunë nga Izraeli dhe Estonia.