Një histori që supozohet se vjen nga Changchun i provincës Jilin në Kinë, ku shtatë qen të vjedhur thuhet se u kthyen vetë në shtëpi pas një arratisjeje dramatike, ka ndezur debat të madh në media dhe rrjete sociale.
Sipas rrëfimit që u bë viral, qentë arritën të shpëtojnë nga një kamion i dyshuar për transport ilegal dhe përshkuan rreth 17 kilometra për dy ditë, duke kaluar autostrada dhe fusha.
Madje rreth ngjarjes kanë raportuar edhe media prestigjioze ndërkombëtare duke e cilësuar si një histori të rrallë.
Madje, në raportime përmendet edhe një qen i racës German Shepherd i lënduar, i cili megjithatë mbijetoi udhëtimin.
Megjithatë, jo të gjitha mediat janë të bindura për vërtetësinë e kësaj historie.
Disa prej tyre kanë ngritur dyshime, duke e cilësuar ngjarjen si të ekzagjeruar ose të paverifikuar plotësisht, për shkak të mungesës së provave të qarta dhe burimeve zyrtare.