Presidenti i Serbisë, Aleksandër Vuçiq nesër do të takohet me ambasadorin e Rusisë dhe ata të Kinës, Aleksandar Bocan-Harchenko dhe Chen Bo.
Sipas raportimit të medias serbe, b92, temë e diskutimit do të jetë situata e përshkallëzuar në veri të Kosovës, shkruan Gazeta Online Reporteri.net
Tutje, sipas b92, Vuçiq do të takohet edhe me ambasadorët e vendeve të QUINT-it.
Presidenti serb, zhvilloi një telefonatë telefonike me Përfaqësuesin e Lartë të BE-së për Politikë të Jashtme dhe Siguri, Josep Borell, si dhe me ministrin e Punëve të Jashtme të Italisë, Antonio Tajani për situatën në veri.
Vuçiq ka akuzuar kryeministrin e Kosovës, Albin Kurti për zhvillimet në veri.
Sipas B92, Vuçiq u shpreh se Serbia dhe serbët do të bëjnë gjithçka për të ruajtur paqen dhe stabilitetin.
Kujtojmë që sot, 29 maj, ambasadorët e shteteve të QUINT-it mbajtën takim edhe me kryeministrin e Kosovës, Albin Kurti për zhvillimet e fundit në veri të vendit.