Ka dështuar edhe seanca e 24-të me radhë për konstituimin e Kuvendit të Kosovës.
As kësaj radhe formimi i Komisionit për votim të fshehtë për zgjedhjen e kryeparlamentarit nuk mori votat e mjaftueshme.
Nga 96 deputetë që ishin në sallë, 55 deputetë votuan për, një kundër dhe s’pati abstenim.
Kryesuesi i seancës, Avni Dehari, kërkoi nga PDK-ja, LDK-ja, AAK-ja, Nisma dhe Lista Serbe që të bëjnë propozimet e kandidatëve të tyre për komision, por këto parti sërish nuk pranuan të propozojnë emrat si dhe nuk morën pjesë në votim.
Seanca e radhës pritet të mbahet më 2 Qershor në ora 10:30.