Një shpërthim ka ndodhur mëngjesin e sotëm në fabrikën kimike Melamin d.d, në qendër të Koçevjes, një qyteti në jug të Sllovenisë.
Një portal slloven ka publikuar në Facebook një fotografi që shfaq momentin e shpërthimit.
Sipas të dhënave të fundit nga autoritetet shtetërore sllovene, më shumë se dhjetë persona kanë mbetur të lënduar, ndërsa një person ka pësuar djegie të shkallës së lartë.
Policia u ka bërë thirrje banorëve përreth që të mbyllin dritaret dhe të mos dalin jashtë. Tymi i dendur vazhdon të rri pezull mbi qytet, shkruan N1 Slovenia.
