Ushtruesja e detyrës së Presidentes së Kosovës, Albulena Haxhiu, pritet që sot ta bëjë publike datën e mbledhjes konstituive të Kuvendit të Republikës së Kosovës.
Data pritet të bëhet e ditur gjatë konferencës për media, e cila është paralajmëruar të mbahet nga ora 11:00.
Haxhiu kishte deklaruar dy ditë më parë se vendimi për caktimin e seancës do të merret të premten, ndërsa kishte konfirmuar se mbledhja konstituive do të mbahet gjatë javës së parë të muajit gusht.
“Ajo do të bëhet në javën e parë të muajit gusht. Edhe të premten, besoj, do ta bëj njoftimin se kur saktësisht do të mbahet kjo seancë”, kishte deklaruar Haxhiu në Prizren.
Ajo kishte shpjeguar se nuk kishte nxituar me caktimin e datës, në mënyrë që partitë politike të kenë kohë të mjaftueshme për të negociuar dhe për të arritur marrëveshje rreth zgjedhjes së presidentit të vendit.