Interi dhe Barcelona kanë barazuar me rezultat 3-3 edhe në ndeshjen e dytë të gjysmëfinale të Ligës së Kampionëve, duke e dërguar ndeshjen në vazhdime.
Ndeshja e parë e zhvilluar në Spanjë ishte mbyllur 3-3, duke dhuruar shumë rikthime dhe emocione.
Zikaltërit e nisën mirë ndeshje, duke qenë të sigurt në mbrojtje, por të shpejtë në kundërsulme.
Zhvillohej minuta e 21-të, ku nga një kundërsulm i tillë, ku Denzel Dumfries mori një pasim drejt zonës, ai pasoi te Lautaro Martinez që shënoi për 1-0.
Barcelona kërkoi penallti për një prekje me dorë në zonë, por Szymon Marciniak, nuk mendoi njëjtë.
Interi iu afrua golit të dytë me Henrikh Mkhitaryan dhe Hakan Calhanoglu, por dyshja e mesfushës nuk gjetën rrjetën.
Në minutën e 42-të, Interi fitoi penallti, pasi Pau Cubarsi ndaloi Lautaro Martinezin dhe pas rishikimit të VAR, gjyqtari polak vendosi për penallti.
Nga pika e bardhë ishte i saktë Hakan Calhanoglu që shënoi për 2-0.
Barcelona e nisi fuqishëm pjesën e dytë, duke e hapur sfidën për 2-1. Eric Garcia shënon me një goditje të saktë brenda zonës pas një harkimi të saktë të Gerard Martin në minutën e 54-të.
I njëjti lojtar gaboi për të barazuar shifrat në minutën e 57-të, kur Yann Sommer bëri pritje të madhe.
Por pas tre minutash u barazuan shifrat, me Martin që asiston sërish, kësaj radhe te Dani Olmo i cili shënoi për 2-2.
Në mintuën e 68-të, Szymon Marciniak akordoi penallti për Barcelonën, pasi Henrikh Mkhitaryan rrëzoi Lamine Yamalin, por e përmirësoi gabimin e tij, pasi ndërhyrja ishte jashtë.
Yamal tentoi të shënojë në minutën e 77-të, por Sommer bëri pritje të madhe për ta ruajtur barazimin.
Barcelona vazhdoi me tentime dhe kjo iu shpërmbyle, pasi në minutën e 88-të, Raphinha shënon gol pas dy tentimeve për 3-2.
Në minutat e mbetura Interi u lëshuan me të gjitha forcat në sulm për të gjetur barazimin, pot kjo iu hakmor paksa, pasi la zbrastësira, ku në një rast Yamal goditit shtyllën.
Kjo nuk e ndali Interin, që arriti të barazojë në kohën shtesë, me Francesco Acerbi që shënoi me një goditje të bukur në zonë për 3-3.
Interi dhe Barcelona shkojnë në vazhdime pasi rezultati i përgjithshëm është 6-6.