Kosova i ka përmbyllur në mënyrë fantastike garat në sportin e xhudos, në kuadër të Lojërave Mesdhetare që po mbahen në Oran të Algjerisë.
Xhudistët të drejtuara nga trajneri Driton Kuka, kanë arritur të sigurojnë pesë medalje për Kosovën, tri të arta dhe dy të bronzta.
Gjatë ditës së sotme, Loriana Kuka ia siguroi medaljen e tretë të artë Kosovës, pasi në finale mposhti francezen, Chloe Buttigieg.
Laura Fazliu dhe Distria Krasniqi gjithashtu fituan medaljen e artë, derisa Akil Gjakova dhe Flaka Loxha atë të bronztën.
Nëse shohim medaljet e fituara sa i përket sportit të xhudos, Kosova renditet në vendin e parë me 5 sosh, teksa në vendin e dytë është Spanja, ndërkohë top pesëshen e mbyll Serbia.
