Telenews

Stoltenberg e përserit edhe me Kurtin gatishmërinë e NATO-s për intervenim

Sekretari i Përgjithshëm i NATO-s, Jens Stoltenberg, ritheksoi edhe në prezencë të Kryeministrit Kurti se trupat e saj ndërhyjnë, nëse eskalon situata. Këto komente ai i bëri duke iu referuar tensioneve të fundit në veri të Kosovës.

Stoltenberg ia përsërit Kryeministrit Albin Kurti ato që më herët tha se ia bëri me dije presidentit serb, Aleksandër Vuçiq pak më parë.

Sekretari i NATO-s tha edhe në konferencën e përbashkët për media me Kurtin, se forcat e NATO-s do të ndërhyjnë aty ku ka nevojë, nëse situata përshkallëzohet.

Stoltenberg u kërkoi Kosovës dhe Serbisë që të ulin tensionet.

Ai përmendi se alenaca ka 3700 trupa në Kosovë, të cilët janë të angazhuar për ruajtjen e paqes.

Stoltenberg i kishte  ftuar Kurtin dhe Vuciqin në takim, pas tensioneve në veri të Kosovës, në fund të korrikut të këtij viti.

Takimi ndodhi ne Bruksel, një ditë para takimit të Kurtit me Vuçiqin, me ndërmjetësim të Bashkimit Evropian.

Të ngajshme

Aksidentohen tri vetura në rrugën Prishtinë-Podujevë, lëndohen pesë persona

Edmond Vila

Të hënën pritet asfaltimi i një pjesë të korsisë në rrugën Prishtinë-Mitrovicë

Donat Hashani

Vërehen grafitë të natyrës nacionaliste në veri të Mitrovicës

Donat Hashani