Ekipi i shkollës së mesme të International Maarif Schools of Kosova ka shënuar një sukses të jashtëzakonshëm në Kupën Botërore të Riders Robotics League (RRL) 2024, duke u renditur në vendin e 3-të mes 110 ekipeve nga mbarë bota.
Përveç këtij rezultati mbresëlënës, ekipi i kampusit të Prishtinës u vlerësua gjithashtu me Çmimin për Strategji Krijuese, duke dëshmuar qasjen e tij inovative dhe aftësinë për të gjetur zgjidhje efektive në sfidat teknike të garës.
Riders Robotics League është një garë prestigjioze që u ofron të rinjve mundësinë për të zhvilluar aftësi inxhinierike, si programimi në Python, zgjidhja e problemeve dhe puna në grup. Juria vlerësoi ekipin e International Maarif Schools of Kosova për kreativitetin dhe përgatitjen e shkëlqyer teknike, duke e pozicionuar atë mes më të mirëve në botë.
Ky sukses është një dëshmi e përkushtimit të studentëve dhe mentorëve të tyre ndaj inovacionit dhe teknologjisë. Urime ekipit dhe gjithë stafit për këtë arritje të jashtëzakonshme!./Telenews/